хор Свято-Троице-Сергиевой Лавры все тексты (слова) песен, переводы, видео, клипы

Антифон 5. Глас 6:

Ученик Учителя соглашаше цену и на тридесятих сребреницех продаде Господа, лобзанием льстивным предая Его беззаконником на смерть.

Днесь глаголаше Зиждитель небесе и земли Своим учеником: приближися час, и приспе Иуда предаяй Мене, да никтоже отвержется Мене, видя Мя на Кресте посреде двою разбойнику: стражду бо яко человек, и спасу яко Человеколюбец в Мя верующия.

Слава, Богородичен: Неизреченно в последняя заченшая и рождшая Создателя Твоего, Того моли спастися душам нашим.

Антифон 6-й, гл. 7

Днесь бдит Иуда предати Господа, Превечнаго Спаса мира, Иже от пяти хлеб насытившаго множества. Днесь беззаконный отметается Учителя, ученик быв, Владыку предаде, сребром продаде, манною насытившаго человека.
Днесь Кресту пригвоздиша иудее Господа, пресекшаго море жезлом и проведшаго их в пустыню. Днесь копием ребра Его прободоша, язвами ранившаго их ради Египта; и желчию напоиша, манну пищу им одождившаго.
Господи, на страсть вольную пришед, вопиял еси учеником Твоим: аще и единаго часа не возмогосте бдети со Мною, како обещастеся умрети Мене ради? Поне Иуду зрите, како не спит, но тщится предати Мя беззаконным. Востаните, молитеся, да не кто Мене отвержется, зря Мене на Кресте. Долготерпеливе, слава Тебе.

(В сей день бодрствует Иуда, чтобы предать Господа, Предвечного Спасителя мира, пятью хлебами множество людей насытившего. В сей день беззаконник отрекается от Учителя: будучи учеником, он предал Владыку, продал за серебро манною насытившего человека.
В сей день ко Кресту пригвоздили Иудеи Господа, рассекшего море жезлом и проведшего их в пустыне. В сей день копьем пронзили ребра Его, казнями поразившего за них Египет, и желчью напоили манну в пищу дождем им пролившего.

Стих: Да воскреснет Бог, и расточатся врази Его.

Пасха священная нам днесь показася, Пасха нова, святая, Пасха таинственная, Пасха всечестная, Пасха Христос Избавитель, Пасха непорочная, Пасха великая, Пасха верных, Пасха, двери райския нам отверзающая, Пасха, всех освящающая верных.

Стих: Яко исчезает дым, да исчезнут.

Приидите от видения, жены благовестницы, и Сиону рцыте: приими от нас радости благовещения воскресения Христова; красуйся, ликуй и радуйся, Иерусалиме, Царя Христа узрев, из гроба яко Жениха происходяща.