Братский хор Оптиной пустыни все тексты (слова) песен, переводы, видео, клипы

Псалом 6. Господи, да не яростию Твоею обличиши мене, ниже гневом Твоим покажеши мене. Помилуй мя Господи, яко немощен есмь, исцели мя Господи, яко смутишася кости моя. И душа моя смутися зело, и Ты Господи, доколе? Обрати Господи, изми душу мою, спаси мя ради милости Твоея. Яко несть в смерти поминаяи Тебе, во аде же кто исповестьтися? Утрудихся воздыханием моим, измыю на всяку нощь ложе мое, слезами моими постелю мою омочу. Смутися от ярости око мое, обетшах во всех вразех моих. Отступите от мене вси творящии беззаконие, яко услыша Господь глас плача моего. Услыша Господь моление мое, Господь молитву мою прият. Да постыдятся и смятутся вси врази мои, возвратятся и устыдятся зело вскоре.

Да исправится молитва моя,
Яко кадило пред Тобою,
Воздеяние руку моею
Жертва вечерняя.

Господи воззвах к Тебе, услыши мя,
Вонми гласу моления моего,
Внегда воззвати ми к Тебе.

Заступница усердная, Мати Господа Вышняго!

За всех молиши Сына Твоего, Христа Бога Нашего, и всем твориши спастися, в державный Твой покров прибегающим. Всех нас заступи, о Госпоже, Царице и владычице, иже в напастех и в скорбех и в болезнех обремененных грехи многими, предстоящих и молящихся Тебе умиленною душою и сокрушенным сердцем пред пречистым Твоим образом со слезами, и невозвратно надежду имущих на Тя, избавления всех зол, всем полезная даруй, и вся спаси, Богородице Дево: Ты бо еси Божественный покров рабом Твоим.

Тропарь, глас 4

Заступнице усердная, Мати Господа Вышняго, за всех молиши Сына Твоего, Христа Бога нашего, и всем твориши спастися, в державный Твой покров прибегающих. Всех нас заступи, о Госпоже Царице и Владычице, и же в напастех и скорбех и в болезнех, обремененных грехи многими, предстоящих и молящихся Тебе умиленною душею и сокрушенным сердцем пред пречистым Твоим образом со слезами, и невозвратно надежду имущих на Тя, избавления всех зол, всем полезная даруй и вся спаси, Богородице Дево: Ты бо еси Божественный покров рабом Твоим.

Кондак, глас 8

Притецем, людие, к тихому сему и доброму пристанищу, скорой Помощнице, готовому и теплому спасению, покрову Девы: ускорим на молитву и потщимся на покаяние: источает бо нам неоскудныя милости Пречистая Богородица, предваряет на помощь и избавляет от великих бед и зол благонравныя и богобоящияся рабы Своя.

На реках Вавилонских, тамо седохом и плакахом,
внегда помянути нам Сиона. Аллилуиа.
На вербиих посреде его обесихом органы наша. Аллилуиа.

Яко тамо вопросиша ны
пленшии нас о словесех песней
и ведшии нас о пении:
воспойте нам от песней Сионских. Аллилуиа.

Блажен муж, иже не иде на совет нечестивых и на пути грешных не ста, и на седалище губителей не седе, но в закони Господни воля его, и в законе Его поучится день и нощь. И будет яко древо, насажденное при исходищих вод, еже плод свой даст во время свое, и лист его не отпадет, и свя, елика аще творит, успеет. Не тако нечестивии, не тако, но яко прах, егоже возметает ветр от лица земли. Сего ради не воскреснут нечестивии на суд, ниже грешницы в совет праведных. Яко весть Господь путь праведных, и путь нечестивых погибнет.

Свете Тихий святыя славы, безсмертнаго
Отца небеснаго, святаго блаженнаго,
Иисусе Христе: пришедше на запад солнца,
видевше свет вечерний, поем Отца, Сына,
и Святаго Духа, Бога. Достоин еси во вся
времена пет быти гласы преподобными,
Сыне Божий, живот даяй: темже мир тя
славит.

2 Господи Боже мой, на Тя уповах, спаси мя от всех гонящих мя и избави мя:

3 да не когда похитит яко лев душу мою, не сущу избавляющу, ниже спасающу.

4 Господи Боже мой, аще сотворих сие, аще есть неправда в руку моею,

5 аще воздах воздающым ми зла, да отпаду убо от враг моих тощ.

Православныя веры светильницы, монашества непоколебимии столпи, земли Российския утешителие, преподобнии старцы оптинстии, любовь Христову стяжавшии и души своя за чада полагавшии, молитеся ко Господу, да утвердит земное отечество ваше в православии и благочестии и спасет души наша.

Иже Херувимы Херувимы тайно образующе, и животворящей Троице
трисвятую трисвятую песнь припевающе,
всякое ныне всякое ныне житейское
отложим отложим попечение
всякое ныне всякое ныне житейское
отложим отложим попечение попечение.

По-русски эта песнь читается так: "Мы, таинственно изображая Херувимов и воспевая трисвятую песнь Троице, дающей жизнь, оставим теперь заботу о всем житейском, чтобы нам прославить Царя всех, Которого невидимо ангельские чины торжественно прославляют. Хвала Богу!" ...

Величит душа Моя Господа,
И возрадовался дух Мой о Боге, Спасителе Моем,

Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Что призрел Он на смирение рабы Своей, ибо отныне будут ублажать Меня все роды;

Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Въ конéцъ, въ пѣ́снехъ, псалóмъ Дави́ду.

Внегдá призвáти ми́, услы́ша мя́ Бóгъ прáвды моея́: въ скóрби распространи́лъ мя́ еси́: ущéдри мя́ и услы́ши моли́тву мою́.
Сы́нове человѣ́честiи, докóлѣ тяжкосéрдiи? вскýю лю́бите суетý и и́щете лжи́?
И увѣ́дите, я́ко удиви́ Госпóдь преподóбнаго своегó. Госпóдь услы́шитъ мя́, внегдá воззвáти ми́ къ немý.
Гнѣ́вайтеся, и не согрѣшáйте, я́же глагóлете въ сердцáхъ вáшихъ, на лóжахъ вáшихъ умили́теся:
пожри́те жéртву прáвды и уповáйте на Гóспода.
Мнóзи глагóлютъ: ктó яви́тъ нáмъ благáя? знáменася на нáсъ свѣ́тъ лицá твоегó, Гóсподи.