Знаменный распев. Оптина пустынь все тексты (слова) песен, переводы, видео, клипы

Дево днесь пресущественного рождает,
И земля вертеп к непреступному приносит,
Ангелы же с пастырями славословят,
Волствии же со звездою путешествуют,
Нам бо ради родися,
Отроча млада, предвечный Бог.

Послан бысть с небесе Гавриил архангел, благовестити Деве зачатие: и пришед в Назарет, помышляше в себе, чудеси удивляяся: о како в вышних непостижим Сый от Девы раждается! Имеяй престол небо, и подножие землю, во утробу вмещается Девичу! На Негоже шестокрилатии, и многоoчитии зрети не могут, словом eдинем от Сея воплотитися благоизволи. Божие eсть слово настоящее. Что убо стою, и не глаголю Деве: радуйся Благодатная, Господь с Тобою: радуйся, Чистая Дево, радуйся, Невесто Неневестная: радуйся, Мати Живота, благословен Плод чрева Твоего.

Свете Тихий святыя славы
Безсмертнаго Отца Небеснаго, Святаго, Блаженнаго,
Иисусе Христе!
Пришедше на запад солца,
видевше свет вечерний,
поем Отца, Сына
и Святаго Духа, Бога.
Достоин еси во вся времена

Таинство странное вижу и преславное: небо — вертеп, престол херувимский — Деву, ясли — вместилище, в нихже возлеже невместимый Христос Бог, Егоже, воспевающе, величаем.