Оксана, просто Оксана все тексты (слова) песен, переводы, видео, клипы
Псалтирь рифмотворная. Симеон Полоцкий. Псалом 1Блажен муж, иже во злых совет не вхождаше,
ниже на пути грешных человек стояше.
Ниже на седалищех восхоте седети,
тех, иже не желают блага разумети.
Но в законе Господни волю полагает,
тому днем и нощию себе поучает.
Будет бо, яко древо при водах сажденно,
еже даст во время си плод свой неизменно.
Псалтирь рифмотворная. Симеон Полоцкий. Псалом 2Вскую языцы велми ся шаташа,
людие тщетным ум свой прилагаша.
Царие земли со князи предстаху,
на Бога и на Христа Его встаху.
Расторгнем узы онех глаголюще,
отвержим иго от нас тяжко суще.
Живый в небесех оным посмеется,
Господь всевидец им поругается.
Псалтирь рифмотворная. Симеон Полоцкий. Псалом 3Господи, всякую себе зело умножают,
иже стужающе ми люте на мя встают.
Глаголют души моей от числа их мнози:
несть спасения ему о Господе Бозе.
Ты же, Боже, заступник мой еси и слава,
Тобою возносится во честь моя глава.
Гласом аз ко Господу дерзах воззывати,
Он же от горы святы изволил ми вняти.