Молебен все тексты (слова) песен, переводы, видео, клипы

1-й запев: Слава Тебе, Боже наш, слава Тебе.
2-й запев: Пресвятая Богородице, спаси нас.
3-й запев: Преподобне отче наш Макарие, моли Бога о нас.
4-й запев: Вси святии, молите Бога о нас.
Иерей: Слава Отцу и Сыну, и Святому Духу.
Лик: И ныне, и присно, и во веки веков. Аминь.

Избави от бед,/ рабы Твоя, Многомилостиве Господи,/ яко мы усердно/ к Тебе прибегаем,// Милостивому Избавителю всех Владыце Господу Иисусу.
Спаси от бед/ рабы Твоя, Богородице,/ яко вси по Бозе/ к Тебе прибегаем,// яко нерушимой стене и предстательству.
Призри благосердием,/ Всепетая Богородице,/ на мое лютое/ телесе озлобление// и исцели души моея болезнь.
Молите Бога о нас,/ преподобне отче наш Макарие и вси святии,/ яко мы усердно/ к вам прибегаем,// скорым помощникам и молитвенникам о душах наших.

Союзом любве апостолы Твоя связавый, Христе, и нас Твоих верных рабов к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, едине Человеколюбче.

Пустынный житель, и во плоти Ангел,/ и чудотворец явился еси, богоносе отче наш Макарие,/ постом, бдением, молитвою Небесная дарования приим,/ исцеляеши недужныя и души верою приходящих ти./ Слава Давшему тебе крепость,/ слава Венчавшему тя,// слава Действующему тобою всем исцеления.

Царю Небесный, Утешителю Душе истины,/ Иже везде сый и вся исполняяй,/ Сокровище благих и жизни Подателю,/ приди и вселися в ны,/ и очисти ны от всякия скверны,// и спаси, Блаже, души наша.