АРТ-ГРУППА LARGO все тексты (слова) песен, переводы, видео, клипы

Ко Господу, внегда скорбети ми, воззвах, и услыша мя
Господи, избави душу мою от устен неправедных и от языка льстива
Что дастся тебе, или что приложится тебе к языку льстиву
Стрелы сильнаго изощрены, со угльми пустынными

Увы мне, яко пришельствие мое продолжися, вселихся с селении Кидарскими
Много пришельствова душа моя, с ненавидящими мира бех мирен
Егда глаголах им, боряху мя туне

Возведох очи мои в горы, отнюдуже приидет помощь моя
Помощь моя от Господа, Сотворшаго небо и землю
Не даждь во смятение ноги твоея, ниже воздремлет храняй тя
Се не воздремлет, ниже уснет Храняй Израиля

Господь сохранит тя, Господь Покров твой на руку десную твою
Во дни солнце не ожжет тебе, ниже луна нощию
Господь сохранит Тя от всякаго зла, сохранит душу твою Господь

Яко аще не Господь бы был в нас, да речет убо Израиль
Яко еще не Господь бы был в нас, внегда востати человеком на ны
Убо живых пожерли быша нас, внегда прогневатися ярости их на ны
Убо вода потопила бы нас. Поток прейде душа наша

Убо прейде душа наша воду непостоянную
Благословен Господь, иже не даде нас в ловитву зубом их
Душа наша, яко птица избавися от сети ловящих: сеть сокрушися, и мы избавлени быхом

Надеющиися на Господа, яко гора Сион: не подвижится в век живый во Иерусалиме
Горы окрест его, и Господь окрест людей Своих отныне и до века
Яко не оставит Господь жезла грешных на жребий праведных
Яко да не прострут праведнии в беззакония рук своих
Ублажи, Господи, благия и правыя сердцем. Уклоняющыяся же в развращения отведет Господь с делающими беззаконие. Мир на Израиля

Помяни, Господи, Давида и всю кротость его
Яко клятся Господеви, обещася Богу Иаковлю
Аще вниду в селение дому моего, или взыду на одр постели моея
Аще дам сон очима моима и веждома моима дремание

И покой скраниама моима, дондеже обрящу место Господеви, селение Богу Иаковлю
Се слышахом я во Евфрафе, обретохом я в полях дубравы
Внидем в селения Его, поклонимся на место, идеже стоясте нозе Его

Се что добро, или что красно, но еже жити братии вкупе
Яко миро на главе, сходящее на браду, браду Аароню
Сходящее на ометы одежды его, яко роса Аермонская сходящая на горы Сионския
Яко тамо заповеда Господь благословение и живот до века

Благословен Господь Бог мой
Научаяй руце мои на ополчение, персты моя на брань.
Милость моя и Прибежище мое
Заступник мой и Избавитель мой

Защититель мой, и на Него уповах:повинуяй люди моя под мя.
Господи, что есть человек, яко познался еси ему?
Или сын человечь, яко вменяеши eгo?

Вознесу Тя, Боже мой, Царю мой
И благословлю имя Твое в век и в век века
На всяк день благословлю Тя и восхвалю имя Твое в век и в век века
Велий Господь и хвален зело, и величию Его несть конца

Род и род восхвалят дела Твоя и силу Твою возвестят
Великолепие славы святыни Твоея возглаголют и чудеса Твоя поведят
И силу страшных Твоих рекут и величие Твое поведят

Хвали, душе моя, Господа. Восхвалю Господа в животе моем
Пою Богу моему, дондеже есмь. Не надейтеся на князи
На сыны человеческия, в нихже несть спасения

Изыдет дух его и возвратится в землю свою
В той день погибнут вся помышления его
Блажен, ему же Бог Иаковль Помощник его

Хвалите Господа, яко благ псалом. Богови нашему да усладится хваление
Зиждай Иерусалима Господь, разсеяния Израилева соберет
Исцеляяй сокрушенныя сердцем и обязуяй сокрушения их

Исчитаяй множество звезд и всем им имена нарицаяй
Велий Господь наш, и велия крепость Его, и разума Его несть числа
Приемляй кроткия Господь, смиряяй же грешники до земли

Похвали, Иерусалиме, Господа, хвали Бога твоего
Сионе, яко укрепи вереи врат твоих, благослови сыны твоя в тебе
Полагаяй пределы твоя мир, и тука пшенична насыщаяй тя
Посылаяй слово Свое земли, до скорости течет слово Его

Дающаго снег Свой, яко волну, мглу, яко пепел
Посыпающаго, метающаго голоть Свой, яко хлебы
Противу лица мраза Его кто постоит?

Хвалите Господа с небес, хвалите Его в вышних
Хвалите Его, вси Ангели Его, хвалите Его, вся силы Его
Хвалите Его, солнце и луна, хвалите Его, вся звезды и свет
Хвалите Его Небеса небес и вода, яже превыше небес

Да восхвалят имя Господне: яко Той рече, и быша
Той повеле, и создашася. Постави я в век и в век века
Повеление положи, и не мимо идет

Воспойте Господеви песнь нову, хваление Его в церкви преподобных
Да возвеселится Израиль о сотворшем Его
И сынове Сиони возрадуются о Царе своем

Да восхвалят имя Его в лице, в тимпане и псалтири да поют Ему
Яко благоволит Господь в людех Своих, и вознесет кроткия во спасение
Восхвалятся преподобнии во славе и возрадуются на ложах своих

Мал бех в братии моей и юнший в дому отца моего, пасох
Овцы отца моего. Руце мои сотвористе орган, и персты мои составиша псалтирь
И кто возвестит Господеви моему? Сам Господь, Сам услышит

Сам посла Ангела Своего, и взят мя от овец отца моего
И помаза мя елеем помазания своего. Братия моя добри и велицы
И не благоволи в них Господь